Saleum Rakan Steemit Meutuwah!
Kiban ka persiapan Urou Raya, sagoe nyan? Ngen yum Steem teungoh ji tren lagee nyou, teh nyang leubeh meukarat? Bloe Steem peu BajeeUrou Raya? Uloen Tuwan ka tuha, jadi hana bloe bajee lee, hana peng chit, jadi han jeut "Power Up", Nak meudeh cukop paih jinou watee jih. Hay kiban teuma, Yum Steem cuma $2, bacut kureung 30 ribee sagai kon?
dang dang leuh logo, ta pasang nyou dile
Boh Ka, pakon hana so seureuta bak Konteh Pehtem minggu baro? peu brat that teumuleh lam Bahsa Aceh soai Hadihmaja, Hiem, Panton, Jangeun Ureung Jameun ya?. Kop braat masalah tanyou miseu keu Bahsa drou teuh pih han ta teujeut tuleh, peu lom bhah mudah nyang kayem ta deungo watee ta duek sajan ureung tuha. Seudeh Loen, koen saweub hana so seureuta, tapi saweub hana so tem teumuleh lam Bahsa Aceh. Teuma Uloen Tuwan meubacut han keundo seumangat (Sep rame awak peu Kru Seumangat ka).
Kali nyou Uloen Tuwan Pakat nyang leubeh mudah lom keu neu tuleh lam Bahsa Aceh. Bek takot droun hana so Vote, teuntee na. Keupeu chit ramee ureung Aceh bak Steemit miseu hana so tem Vote atra Bansa Drou Teuh? Aci tuleh aju nyang hayeu saboih. Nyompat Syarat Konteh Jak Ta #pehtem kali nyou.
Cara Ikot Konteh Jak Ta #Pehtem
- Tuleh saboih postingan lam Bahsa Aceh, Gata pileh salah saboih bhah nyou:
a. Urou Raya Loen Thon Nyou
b. Lagu Aceh Nyang Paleng Meukeunong di hatee Loen, Saweub Lagu nyan ..... (nyan titek-titek Neu pasoe keudrou neuh)
c. Miseu Loen Na 100 Steem, Loen Nak ..... (nyan titek-titek Gata pasoe keudroe, tapi bek Gata ganto wareuna mantong)- Judul Terserah Droun, Bek mandum judul Gata sampoih lam saboih tulesan, pileh salah saboih mantong.
- Gata Mention Sidrou Duwa Ngen nyang kira-kira Geu tem Jak Pehtem chit, tapi nyou hana wajeb, miseu Gata peugot lam tulesan droun, leubeh hayeu.
- Gata tuleh #pehtem seubago salah saboih tag tulesan nyan sigalom Gata posting (nyang laen terserah, han meuceh tag phon pih).
- Miseu ka Gata posting, tipek Link u tulesan nyan bak Komentar di miyup tulesan nyou, nak mudah Uloen Tuwan seutot.
- Gata cek dan vote tulesan ureung laen nyang seureuta miseu na watee, Gata komentar chit, nak meutamah rame ngon teuh. Ureung rame ngon, biasa jai vote chit.
Syarat Seureuta Lam Konteh Jak Ta #pehtem
- Droun Aneuk Seurideng ngon Reputasi 25-45
- Droun Neu thee drou neuh dan seupakat ngon atoran nyou
- Tulesan droun paleng kureung sion photo ngen 200 kata ( nyan bek neu keutik TTS beuh, Peu TTS? Ta Ta Sot hai!!)
- Hanjeut Na photo dajeu atawa bhah teumeunak lam postingan Droun.
- Hanjeut jak lakee vote Drou bak gob, malee teuh, saweub tanyou ta meu ngon, bak ngon hana suwah lakee vote.
Sampo Pajan Konteh Jak Ta #pehtem
Konteh kali Nyou Loen Peu Jak Lam duwa binggu, duwa tahap beuh.
- Tahap phon, 15/6/2018 - 21/6/2018
- Tahap kedua, 22/6/2018 - 30/6/2018 (keu tahap dua, na link laen bak neu tipek komentar eunteuk) (Neu ikut salah satu mantong, tapi miseu neu ikot bandua tahap, teutap saboih mantong nyang Uloen Tuwan pileh)
Hadiah Konteh Jak Ta #pehtem
| Juara | Hadiah |
|---|---|
| I | 2 SBD |
| II | 1.5 SBD |
| III | 1 SBD |
| 4 Hiburan | 0.5 SBD |
| Seureuta | 0.03 SBD |
| Favorit | Meuteumeung vote 0.03 selama 30 urou, 1/urou *na syarat |
Sabah Meuluwah Uloen Tuwan peutroih ukeu:
- Cut Nyak @rayfa ka Geu sumbang 1 SBD -na bak loen
- Teungku @denysatika ka Geu sumbang 1 SBD -na bak loen
- Teungku @lamkote akan Geu sumbang 1 SBD
- Teungku @tuwanku-raja ka Geu sumbang 0.2 SBD -na bak loen
- Teungku @dipoabasch akan Geu sumbang 0.5 SBD -tinggai cok
- Teungku @el-nailul Geu sumbang 1 SBD - na bak loen
- Teungku @rismanrachman akan Geu sumbang padum loen lakee (hahahaha.. 1 SBD mantong Bang)
- Teungku @akukamaruzzaman Geu sumbang 1 SBD geulanto sedekah urou raya.
- So barangkaso nyang na niet nak sumbang Hadiah, silakan tuleh lam komentar.
Nyan mantong, Miseu na hai nyang galom jeulaih, tuleh lam komentar nak loen surah. Komentar jeut lam Bahsa Aceh atawa Bahsa Toko, Inggreh pun hai boleh lah... asai sanggop #pehtem, dumpue boleh!
OKMK.. wassalamu!
## Daftar Seureuta
| Nan Akun | surah |
|---|---|
| @takin | nomboi 1 |
| @ramadhanil | nomboi 2 |
| @gaskun | nomboi 3 |
| @rajabuwah | nomboi 4 |
| @rahmayn | nomboi 5 |
| @saiful.nizam | nomboi 6 |