Si Bungong peukan pucok ka layU....
Cabeung ngon ukheu mandum kapataH
Putoh harapan badan sang pilU....
Jantong jimusu Hatee bit gundaH
Gaseh ngon sayang ka tan le lakU....
Cinta ngon Rindu Hana soe balaH
Bungong Pujaan Karang meujampU....
Teungoh tloen sibu dirot le gajaH
Meunan tamselan ulon boh miseU....
Rata dum ta'eu lagenyan kisaH
Janji saboh jan bersatu padU....
Saboh putik u dua tanyoe plaH
Janji Cut Abg ulon terharU.....
Bujuk ngon rayu keubit that IndaH
Sampe lon tuan teukhem ngon bak U....
Lembut deungon su kata neu peugaH
Senang Hana ban lon deungo rayU....
Janji sep hayeu di dalam kisaH
Hatee lon tuan sang-sang MerindU....
Adak Jeut laju bagah meunikaH
Riyeuk meuhantam bakat jimusU.....
Beurawang lalu teuga sileumpaH
Janji ucapan mameh ban madU.....
Dalam si minggu mandum meu ubaH
Gaseh ngon sayang kabeh meujampU.....
Cinta ngon rindu hanale jelaH
Janji saboh jan yang kanda padU....
Meuputie iku wate neu peugaH
Lagenyan macam 'oh akhe lon eU....
Sunggoh terlalu bit keubit paraH
Lon pike santan puteh ban susU.....
'Oh ulon teupu apui hu miraH
Sunggoh that keujam Cinta meu palsU....
Lage bak geutue bahaya leumpaH
Duroe sep tajam bit keubit cincU.....
Sigoe jilalu jitubiet daraH
'Oh keunong simban Saket meu 'eu-'eU.....
Sampoe u bahu meutamah paraH
Seluruh badan teurasa kakU.....
Ceukang bak takue teuhah ngon babaH
Lagenyan macam pu neu peulakU.....
Peurangui lembu seureuta gajaH
Janji ucapan ka sigoe sapU.....
Pucok ngon iku mubalek kisaH
Hingga lontuan teurasa malU.....
Janji yang lalu ka Gata ubaH
Putoh harapan 'oh lon deungo sU.....
Meuribe minggu hate lon gundaH
Uroe ngon malam meulang-lang rindU.....
Pinto neu pageu Hana le teuhaH
Sunggoh malang nasib dirikU.....
Hate bit pilu jantong bit susaH
Mumada 'ohno karang lon rireU.....
Singoh lom ukeu ta sambong kisah
Meu'ah lon tuan rakan seugitU....
Kadang meulalu haba lon salaH