Saleum senja, bungoeh uro.
Basah bumo, dungon imbon.
Yang jak ugle, geumeu'umpo.
Geu meu uro, lampoeh jagong.
Yang jak ublang, lam ie ciko.
Wate gewo, meu ek punggong.
Ulon Polem, laen bago.
Karap pungo, duk digampong.
Ureung kerja, adoek ano.
Sabe rugo, oh gehitong.
Oh gususon, bata nako.
Tungoeh uro, ujeun ditron.
Hebat Pawang, yak cok uno.
Cong bak kiro, ngon ija krong.
Leupah geu ek, tinggai talo.
Gop nyan sidro, tan so tulong.
Teungku idi, geuba beko.
Cukop jago, lam bak rambong.
Geu kereuja, nibak meko.
Geujak geuwo, dari gampong.
Teuman dilon, kibit palo.
Tan deuh saho, wate kukong.
Oh ban senja, teubleut uro.
Ka ngon talo, lumo kupong.
Wate ku eu, ateuh lumo.
Chit lhe kilo, asoe punggong.
Han di pajoeh, naleung lako.
Mata seso, teuh on kurusong.