Magandang araw sa lahat! Matagal-tagal din noong huli akong nag post ng blog. Nais ko lang ibahagi ang aking gawang tula ukol sa tema Buwan ng Wika: "Filipino; Wika ng Saliksik".
"Wika ng Saliksik"
Pagbabago sa wika ay permanenti at ‘di maiiwasan
Dulot ay kabutihan para sa karamihan
Pag-usad man ay dahan-dahan
Pag-unlad naman ay siguradong makakamtan
Komunikasyon ay malaking parte ng henerasyon
Nagdaan man ang mga araw, linggo, buwan, at taon
Wikang Filipino ay nanatiling matatag
Patuloy ito sa pagyabong at pamamayagpag
Wikang Filipino ay walang humpay na pagyamanin
Pagtuonan ng pansin at linangin
Huwag limutin kundi gamitin para sa maganding adhikain
Wika ay bigyang halaga at mahalin
Humakbang patungo sa magandang kinabukasan
Para sa lipunan at sa inang bayan
Kaya sa pagtuklas ng bagong kaalaman, isipan ay gawing sabik
Para sa wikang Filipino; wika ng saliksik