由琴晚起,我就好放縱自己,一直不停食食食, 由晚餐開始既老麥,到臨訓前既一堆零食,我都係面不改容,一啲罰惡感都冇.不過講起琴日個老麥就有啲火,我明明係比錢買Double 牛肉架嘛, 拎到返屋企先發覺條仆街比得一層牛肉,點先? 擺明呃鳩我錢喎而家?
不過我阿媽叫我阿Q精神啲,可能第二塊肉食完會腸胃炎喎...好啦, 我呢兩日心情好,原諒你條蛋散.
到今朝一早起身, 又口痕想食啲煎炸既野做早餐,咁就一於黎個歐陸扒餐啦,今次點點左炸魚,煎雙蛋 + 腸仔配茄汁豆, 仲有超好食既奶油豬仔包.睇 到我口水都流,不過真係幾熱氣,唔好講笑.
怕大家睇唔清楚,所以特登同個早餐黎個超近鏡大特寫.今日塊炸魚係細左啲,不過有大大件奶油豬仔包,都夠我食既.加埋2隻煎蛋同條腸,果然食完啱啱好.
食完早餐,嘆完杯凍啡,我就充滿力量咁返工, 今日我阿頭話要去睇波鞋,要去黃埔個邊食,咦..咁咪即係食KFC, 哇, 一連三餐都煎炸野喎, 係就係幾美味,但真係有啲熱氣咁喎.
不過都應承左阿頭去KFC,就唔理咁多啦,lunch去到,我頂,又係成村人係到排隊,使唔使啊,而家啲fast food,一啲都唔fast囉,坐底要等10分鐘. 不過見K記最近有特價餐,就原諒佢啦.不過佢個名咁奇怪既, 叫"鴛鴦雙式雞碟飯餐"
嗱,個名唔係我老作架,唔信既自己睇張單,其實以KFC一向既物價,呢個餐先35蚊又真係幾底食, 都不枉今日等左佢咁耐,今日就寫到呢到啦, have a nice weekend, cheers.
