زندگی کانٹوں کی سیج کا نام ہے۔ جس میں ہمیں بہت سی مشکلات سے دو چار ہونا پڑتا ہے۔ یہ مشکلات ہمیں پہلے سے زیادہ طاقتور بناتی ہیں۔ روز اول سے انسان ان مشکلات سے حالت جنگ میں ہے۔ اگر کوئی یہ جنگ جیت جاتا ہے تو وہ سکندر بن کر ابھرتا ہے اور اگر کوئی یہ جنگ ہار جاتا ہے تو اسے مایوس ہونے کی ضرورت نہیں ہے۔ مسلمان ہونے کے ناطے میرا یہ یقین کامل ہے کہ اللہ تعالی انسان پر اس کی طاقت سے زیادہ بوجھ نہیں ڈالتا۔ یہی وجہ ہے کہ میں ہزاروں مشکلات کے باوجود کبھی بھی امید کا دامن نہیں چھوڑتا اور تمام مشکلات کو زندگی میں خوش اسلوبی سے حل کرنے کی کوشش کرتا ہوں۔

اس زندگی کی 25 بہاروں میں، میں نے وہ لمحات بھی دیکھے جب یہ زندگی میرے لیے ایک جنت تھی اور وہ لمحات بھی دیکھے جب یہ زندگی میرے لیے جہنم بن گئی۔ شاید مشکلات کے بغیر یہ زندگی ایک بے کیف اور بے لطف طوالت کا نام ہوتا۔ یہ مشکلات ہی ہوتی ہیں جو ہمارے اندر یہ احساس پیدا کرتی ہیں کہ زندگی ایک طویل سفر کا نام ہے اور اس میں سکوت کا مطلب موت ہے۔ میں اپنی موجودہ زندگی میں مندرجہ ذیل مشکلات سے لڑ رہا ہوں جو میرے لیے زندگی کا ایک تکلیف ده سفر پیدا کر رہی ہیں۔

• اکیلی زندگی

• ادھورا خواب

• معاشرتی تنقیدیں

جوانی کی عمر میں اکیلی زندگی، دشمن کے جنگجوں سے بھرے میدان میں اکیلا تلوار لے کر لڑائی کے لیے گھومنے کے مترادف ہے۔ اس طرح کی زندگی کے شب و روز میں، کبھی اپ کو خود سے لڑنا پڑتا ہے اور کبھی بھٹکے ہوئے ذہنی اور دل کے خیالوں سے۔ المختصر، اکیلا زندگی گزارنا اسان نہیں ہوتا۔

میں نے بچپن سے ہی باہر جانے کا خواب دیکھا ہے۔ میں اپنے تعلیمی سفر کو باہر کے جامعات کی رنگینیوں سے بھرنا چاہتا ہوں۔ انفارمیشن ٹیکنالوجی کے میدان میں، پروگرامنگ اور ڈیٹا پروسیسنگ میں مختلف کمانڈز پر عبور حاصل کرنا میرے لیے ایک خواب ہے۔ میں باہر کے ترقی یافتہ ممالک سے تعلیم حاصل کر کے اپنے ملک و قوم کی خدمت کرنا چاہتا ہوں۔ یہ مشکل خواب مجھے کبھی بھی آسانی سے مکمل ہوتے دکھائی نہیں دے رہا۔ لیکن میں پرامید ہوں کہ ایک دن میری کامیابی کا سورج لازمی طور پہ طلوع ہوگا۔

زندگی ایک ایسے معاشرے میں جہاں تنقید لوگوں کی اصلاح کی بجائے جوانوں کی طنز و مزاح کا مرکز ہو گزارنا بہت مشکل ہو جاتی ہے۔ ایک طویل عرصے سے جب اپ گھر میں بغیر نوکری کے زندگی گزار رہے ہوں تو اپ کہیں نہ کہیں چاہے وہ رشتہ دار ہوں یا اپ کے ارد گرد موجود لوگوں کا ہجوم اپ لازمی طور پر ان کی تنقید کا مرکز رہتے ہیں۔ پاکستان میں خواندہ لوگوں کے فقدان کی وجہ سے اپ ہمیشہ ان پڑھ لوگوں سے مات کھا رہے ہوتے ہیں۔ پھر چاہے اپ سرکاری یا پرائیویٹ ملازمت نہ بھی کرنا چاہ رہے ہوں پھر بھی اپ لوگوں کی تنقید کی وجہ سے اپنی سوچ کے اسیر بن جاتے ہیں۔

زندگی میں وقت ہمیشہ ایک جیسا نہیں رہتا ہے۔ جہاں مشکلات کی وجہ سے اپ کی زندگی بوجھل ہو گئی وہاں مشکلات کے بعد انے والے ظرف نے اپ کی زندگی کو کامیاب لازمی بنانا ہے۔ وقت اچھا ہو یا برا، یہ اللہ کے حکم کے تابع ہوتا ہے۔ اس لیے مشکلات کی وجہ سے انے والے تکلیفوں میں مایوس ہونے کے بجائے صبر سے اچھے وقت کا انتظار کیا جائے۔ ہو سکتا ہے جو مشکل اپ زندگی کا بوجھ سمجھ رہے ہو وہ مشکل اپ کے لیے اچھے وقت کا پیش خیمہ ہو۔

زندگی بغیر مشکلات کے تصور کرنا ناممکن ہے۔ اس دنیا میں چاہے سب سے امیر ترین ہستی ہو یا پھر سب سے پسماندہ شخص اسے اللہ کے طرف سے دیے گئے امتحانات میں سے گزرنا پڑتا ہے۔ مشکلات سے بہادری ساتھ لڑنا زندگی ہے۔ کوئی بھی مشکل ہو اس کا اختتام اپ کو مضبوط تر بنا دیتا ہے۔ انسان کی فطرت میں اللہ تعالی نے برداشت کا جگرہ پیدا کیا ہے۔ چاہے وہ پہاڑ جیسا غم ہو یا روئی کی مانند مشکل، انسان میں ہمیشہ صبر سے ہر امتحان کو پاس کیا ہے اور اللہ کا شکر بجا لایا ہے۔ مندرجہ بالا تینوں مشکلات کے باوجود، میں ایک خوشگوار زندگی گزار رہا ہوں کبھی کبھی مجھے بھی تکلیف دہ رات کا سامنا کرنا پڑتا ہے۔ ان تمام حالات میں میں نے ان مشکلات سے بہت کچھ سیکھا اور اپنی ذاتی زندگی کو بہت زیادہ بہترین بنایا۔ میری یہ پوسٹ ہیولرنرز کمیونٹی کے لیے ایک ہفتہ وار نمایاں مواد "مشکلات کو گلے لگانا" میں میری شراکت ہے، مجھے امید ہے کہ آپ کو میری پوسٹ بہت پسند آئے ہو گی، شکریہ!