Sometimes, growth no dey loud. E no dey make noise. You go just wake up one day and realize say you don change, you don grow. That’s how it happened to me
One of my friends came to me with some kind gossip. Before before, I go jump enter the matter sharp-sharp, add my own opinion, and maybe even carry the gist give another person. But this time around, I just listen, smile small, and told her to calm down. I even told her make she think well before doing anything. After she left, I sat down and say, “Wait o, na me be this The old me for don talk plenty things That’s the moment I knew something don change inside me
Mentally and emotionally, I’ve grown well well. Before, small thing, I go vex or cry If person talk to me anyhow, I go carry it for mind for days. But now, I just look, breathe and walk away. No be everything deserve energy. I dey protect my peace now, and that one na big growth for me
Physically too, I dey try. I no be fitness guru o, but I dey take care of my body small small. I dey drink more water now, try to eat well, rest when I can. Before, I just dey live anyhow e no concern me. But now, I dey see say this body na my house, and I suppose treat am well
Another big sign of growth na how I handle life wahala. Before, if things go wrong, I go panic, cry, complain, or blame people. But now, I dey calm. I go just tell myself This one no go kill me l go pray, think well, and try find solution. I no perfect o, but I dey try
Comparison used to be a big struggle for me . When I see people winning, posting online, getting things I never get, I go just feel like say I no dey do enough. But now, I dey tell myself say, Your time go come. Face your lane And truly, that mindset dey bring me peace of mind.
Looking back now, I smile. I no dey do everything right, but I know I’m not who I used to be. I dey think better, react better, and live better. This growth no be by force it just happen slowly as life dey teach me lessons.
Growth really na beautiful thing. You go just open your eyes one day and realize say you don change in ways you never even notice before. And even if e small, growth na growth
@powerpaul/engdeu-simple-as-that-stand-out-heres-why-and-how