Maraming salamat sa mga tumatangkilik sa likhang Tagalog, aking batid na madalas ay walang kaganapan sa komunidad na ito sa kadahilanang walang pera dito abala ang admin sa totoong buhay.
Gayunpaman, naiisip ko parin na gawing mas aktibo ang ating komunidad sa mga susunod na araw.
Para sa mga naghihirapan na mag-isip nang kanilang isusulat sa kanilang blog naisipan ko na mag gawa ng mga prompts sa araw-araw.
Tayo ay mag-uumpisa sa araw ng Lunes Mayo 13 dahil sobrang huli na tayo sa buwan nang kalendaryo. Mangyari lamang na sundin ang prompts sa araw na yaon, para hindi na nakakalito sa nagbabasa.
Kung mapapansin mo, panay keywords lang ang aking ginamit sa ibang prompts dahil ibig kong mas malaman kung paano ninyo pag lalaruan ang konsepto. Dahil tayo ay may ibat-ibang karanasan, ibat-ibang likha ang aking inaasahan sa bawat blog na magagawa.
May premyo ba sa mga sasali?
Sa ngayon ay may nakatabi pang 20 na Hive na hindi ko nagamit noong nakaraang taon. Ito ay ipapamahagi sa mga sumali sa prompt sa pagsulat sa ating munting komunidad. Sa katapusan nang buwan, mano-manong hahatiin ang 20 na Hive sa mga sumali, at depende sa kanilang partisipasyon ang kanilang makukuhang reward. Mas maraming sumali, mas liliit ang pool ng reward. Bagama't maliit lamang iyon, kung mas marami naman tayong magagawang blog post o makakagawa ka ng blog post sa araw na iyan ay panalo parin ang lahat.
Maari mong gamitin ang #vote-me na function ni HivePH para ma-upvote ang iyong post. O kung hindi naman, ay kung aking madaanan at wala pang upvote ikaw na nakukuha mula sa bot ay ako na ang magpasa.
Gaya nga ng nabanggit, kailangan nating mas maging aktibo at makapag ipon pa nang maraming Hive dahil hindi natin alam... malay mo lumaki ang halaga ni Hive sa mga susunod na araw at dahil wala kang maisip na ipost hindi ka na gumawa pa.
Ayun lang parehas parin na mekaniks.
- Gawa ka ng post sa Tagalogtrail community
- Gamitin ang hashtag na #tagalogtrail
- I-source nang tama ang larawan
- Bawal ang content na sinulat ng AI.
Maraming salamat at inaasahan ko ang inyong pagsali!