Bhaaiyo akhir humara intezaar khatam ho gaya hai " #Avengers #Infinity #War " iss friday ko cinema me lagne wala hai. main kaafi samay se iss film ko dekhne ka intezaar kar raha tha lekin afsos hai ki main isko pahle din dekh nahi paaunga. Saare super hero iss film me hai ye film dekhne me bahut maza aane wala hai aur isko agar cinema hall me nahi dekha to fir kiya dekha. main film dekhne ka bahut shokeen hoon aur hollywood super hero waali filme to mujhe aur jyada pasand hai.
Aapko pata hai ye sayad aisi pahli film hai jiss ka light show Dubai ke Burj Khalifa me hua hai. iss se pahle to maine bas apna Tiranga Jhanda hi dekha tha Burj Khalifa ke light show me lekin first time ye dekha ki kisi film ko promote kiya gaya hai Burj Khalifa me.
Image Source timeoutdubai.com
Marvel Studios ki ye sab se badi super hero film hai jo ki isi saptaah friday ko release hogi. Iss baar mujhe lagta hai ki ye film 2 Billion Dollar jarur kama legi ya fir iss se jyada bhi kama sakti hai kyo ki iss film ka intezaar log kaafi samay se kar rahe hai aur har koi iss film ko dekhne ke liye utsuk hai.
Dosto iss " #film_me_40_se_jyada_Super_heroes_hai " aur ye aisi pahli film hai jiss me itne jyada super hero ho. aur ye sab mil ke bas ek villain Thanos se ladenge film dekhne me sach me bahut jyada maja aane wala hai.
Thanos iss film me kaafi damdaar villain hai aur uska sharir bhi kaafi bada hai Hulk se bhi jyada lamba choda hai. Mujhe pura yakeen hai ki aap sab ne iss film ka trailer jarur dekha hoga #Thanos iss film me Infinity Stones jama karna chahta hai kuch usko mil jaate hai kuch aur paane ke liye usko super heroes se mukaabla karna padta hai.
Image Source BookMyShow
Maine suna hai iss film me Iron man mar jaayega aisa sayad Avengers comics me tha waise maine comics padha nahi hai lekin bahut se logo ka kahna hai Iron man iss film me mar jaayega. Dosto Iron man se hi film me maja aata hai sab se damdaar role to usi ka hota hai aur dailouge bhi uske achhe hote hai aur film me comedy wala scene bhi usi ka hota hai wo mera favorite super hero hai agar wo mar gaya to agle part me wo nahi hoga such a sad news this is. :(
Ek aur bad news hai ye film bharat ke tamaam shahro me nahi release ho rahi hai aur meri city me bhi ab tak sirf ek hi cinema hall me ye film lagi hai aur wo bhi sirf 3 show hi chal rahe hai abhi se hi log ticket book kar rahe hai isliye almost humara ek cinema hall full ho gaya hai. Sayad Friday tak baaki ke cinema gharo me bhi ye film lag jaayegi kyo ki ye badi film hai aur log kaafi samay se iska intezaar kar rahe hai to bhai theatre me to bahut bheed hone waali hai.