မိုးဆက်တိုက်ရွာသွန်းနေတာ ဒုတိယပတ်သို့ ရောက်ရှိလာပြီဖြစ်သည်။ မိုးရာသီကို ကျွန်တော်ချစ်ပါသည်။ ထို့ကြောင့် ဒွန်တွဲပါလာသော စိုစွတ်ခြင်းနဲ့ အုံ့မှိုင်းခြင်း တို့ကို ကျွန်တော် လက်ခံနိုင်ဖို့ ကြိုးစားရပါသည်။
"လူတစ်ယောက်ရဲ့ ကောင်းကွက်ကြီးပဲ...
လိုချင်လို့တော့ မရဘူးရယ်...
ဒွန်တွဲတဲ့ ဆိုးကွက်လည်း ပါမယ်..."
"ဉီးဆိုင်း"ရဲ့ သီချင်းလိုပါပဲ။ အရာရာဟာ အကောင်းနဲ့ အဆိုးဒွန်နေတာမလား?။ မိုးရာသီကို ချစ်မှတော့
မိုးရွာလို့ လှန်းထားတဲ့ အဝတ်အစားတွေ မခြောက်တာကို ကျွန်တော် လက်ခံပေးရမယ်၊
လမ်းတွေမှာ ရေအိုင်တွေနဲ့ ရွံ့ပွတ်တွေကို
လက်ခံပေးရမယ်၊
နာစေး၊ ချောင်းဆိုး၊ ခေါင်းကိုက်တာတွေကို
လက်ခံပေးရမယ်။
ဒါတွေဟာ မိုးရာသီကို ချစ်မိလို့ ရရှိလာမဲ့ အပိုဆုတွေပေါ့။
ဆို၍ သူမကိုချစ်မိမှတော့လည်း
သူမ စိတ်မကြည်လို့ ရစ်တာကို လက်ခံပေးရမယ်၊
သူမ အစားအသောက် ဂျီးများတာကို လက်ခံပေးရမယ်၊ အလုပ်ရှုပ်နေလို့ ဖုန်းမဆက်အားတာကို
သူမ စိတ်ကောက်တာ ချော့ပေးရမယ်၊
တခါတလေ သူမ ပြောချင်ရာတွေ လျှောက်ပြောတာတွေကို စိတ်ရှည်ရှည်နဲ့ သည်းခံပေးနိုင်ရမယ်။
ဒါတွေဟာ သူမကို ချစ်မိလို့ ရရှိလာတဲ့
အပိုဆုတွေပဲမဟုတ်လား?
#ကိုကိုမိုးဟိန်း
#KoKoMoeHein