Una good morning my country people, i sure say una dey flex this new week as e be say this weather na weather for T**.... Abeg na tea I mean

Matter wae meet us today na true life story and infact e touch.... First make we talk about hurry hurry for this life hurry to bath, hurry to work, hurry to this hurry to that, where we de hurry de go. Life no b competition and everybody get time to shine a d if na your time rub Vaseline make you shine wella but watin you think if person see him friend wae them follow commot for school and you come see say he come buy motor and you de feel like say na the same one head una get... Remember say you know know watin him do to reach there and you fit ask.

This morning matter wae reach me on top my bed about 2 of my secondary school friends oo... One don blow and one wan blow. So matter na say the one wae don blow don buy car buy house and everything, una know how e b for Naija now, na young boys de drive expensive cars now, this my friend come to meet the other one say how far him take blow, nai that one tell say him de do business and him no gree tell am the business but as e continue de ask am, he come give am the gist how e take happen na so my guy shock about the tin but him say him go do, so them come go for the juju man place where them go do am, him agree say e go do anything, the juju man come say make he kill anybody wae him see for mirrow and na so him mama show for the mirrow and him say him na go kill him mama, na so him start to de sick oo, him friend come carry am go hospital go there and him no talk watin happen and after this my guy talk this story how him take reach hospital him come die

So my own na say life no be competition, if my own good today no mean say your own suppose good today... Make una take life jeje