Hmmm! This matter wey ogoowinner throw put for ground make me remember one thing wey happen to me 2011 when I still dey akungba. The matter pain me reach bone. That person wey do me strong thing that year na like my broad, na my secretary for church but we too dey close.
He yarn me about one business that year, the business na illegal business, but as man wey dey look for money badly, I shook my head inside. That year wey he yarn me about the business I no too get too many raba for hand that time, but I go borrow money because say that time wey the level sup, I no too get raba for hand.
Hin talk say this level wey he wan introduce me too, say na 50/50 hin go be, I no get wahala with so fa say I go make my gain for the level , when the level don plum finsh, the total money wey we get for am dey go close to N250,000.
When he reach time make this my guy guy give me my share of this level naso he no pick my call again ooo, I wan run mad, I don go borrow money from people, I even follow am talk or text message say make he even settle me with like 20-25k make I use settle the money wey I borrow.
This guys do me strongthing, when the person wey borrow me money don they disturb me, I go sell my phone(Bold 3) and one small laptop wey I dey use that time. I know say he no fit run for life, we go jam oneday and casala go burst.
i give una head, wey una fit take una time read my work...una too sweet
