[New Logo na steemit the old one na for steem.]

I troway salute for all my oga dem wey dey read my post.
Make i use dis big oppotunity wey i get now take wish everybody wey dey here Happy New Month I dey wish all of una betta-betta thinx wey dey dis world and all the betta-betta thinx wey follow steemit come, but make you no forget to thank God wey dey give you life.

As i wake up dis morning i see big-big change wey enter steemit, sotey the change even enter the logo, i come begin wonder weda na happy new month dem dey wish us, abi no be steemit i dey so?. I come enter our steemit whatsapp group come raise alarm give dem wetin i jus see, dem sey na so dem see am ooo, person even ask for the group weather na sell dem sell steemit? but no body don get the answer by dat time.

Till i waka jam dem @steemitblog post, na there i come read everything wella.

Dem say Law wey dey cover Person handwork make another person for no go copy-copy am dey cover the new Logo ooo.
Dem say as from today make anybody no use dis new logo as we been dey use the old one take do anything like before, own. like use am do billboard, use am do flyers, put am for cloth, edit am or any how play

Dis old logo na Steem logo he be now, no be Steemit logo him be again. Dem no stop you to use steem logo do wetin you like dem say na free, no umbrella wey dey cover am.! Just as this people take use am.

But no try use dis new steemit logo do am oo, If you won do something like dat with dis new logo you go write or waka go collect permition from dem steemit oga dem hand.
If you no collect permition and you go try am My hand no dey am ooo, Wetin you see Na you go still use your head carry am ooo.
If you no understand my language waka go read am here https://steemit.com/logo/@steemitblog/the-new-steemit-logo-is-here

I Thank you Well-well say you read my post.

If you like wetin i write Support me with any how upvote