Malayo ang nilakbay haggat ikaw ay magkaligaw-ligaw. Marami ang napagtanungan para makita ang daan. Ang iba ay tumingin, ang iba naman ay tumango lamang. May iba naman na gumabay. May mga oras na ikaw ay nanglulupaypay dahil sa pagod, gutom at puyat. Pero hindi mo iyon ininda dahil alam mong ikaw ay may patutunguhan. Hindi madali ang makibaka, lalo na kung wala kang kakilala. May mga araw na gusto mong sumuko dahil pagod ka na. Salamat sa may mga dumaang, naliligaw na byahero na kagaya mo at ikaw ay sinamahan sa iyong paglalakbay.
Mga byaherong wala ding dalang mapa, hindi alam direksyon kaya kayo ay nagtanungan at sinubukan ninyong kumapit sa isat-isa. Wala kang dalang bala kundi lakas ng loob, tyaga at pananampalataya. Kaunting bigas na dala at sapatos na gasgas na. Ang iba ay nagpaiwan na muna para maglibang at magpahinga. Ang iba ay gumamit ng bisikleta para bumilis ang byahe. Ikaw ay umangkas, ang iba naman ay bumaba dahil madaming humihila. Kumaway ka sa kanya sa tuwa at yumakap sa kaibigan mong nauna na. Dalangin mo ang kanyang tagumpay dahil ang tagumpay nya ay magiging tagumpay mo din.
Sa haba ng bako-bakong daan at matalahib na kagubatan, nakakahilo, nakakasugat ang mga sanga na parang kutsilyo kung tumalab. Maraming balakid, maraming malalim na bangin. Ang iba ay gusto kang itulak paibaba, ang iba naman ay gusto kang alalayan. Habang kayo ay nasa gitna ng bundok, ang iba ay natulog, ang iba ay tumuloy sa misyon ang iba naman ay naglahong parang bola. Hindi ka nag alala dahil alam mong ang mga nawala, ang mga nag paiwan sandali ay makikita mo sa ibabaw sa tuktok ng bundok ng tralala at sila ay mas nauna na pala.....
Keep shining everyone.
Gratefulvibes Discord: https://discord.gg/DnpSuVe
FlightGear Discord:https://discord.gg/hdDwXeu
Steem Schools Discord: https://discord.gg/sUKmXC8
Please continue to support @surpassinggoogle
If you haven't vote your witness yet, vote Terry now!
Write @steemgigs >>>https://steemit.com/~witnesses
Yours truly,
The village girl @sunnylife in the Steemian Forest
