Magandang araw po sa lahat ng aking mga kababayan mga steemyans sa buong mundo! Bilang pagsuporta sa patimpalak na ito ni mam @romeskie ay narito po ang kaing lahok.
Lingid po sa kaalaman ng lahat,ako po ay dating misyonero o tagapaghatid ng Mabuting Balita sa bayan,o mga kabundukan man. Halos mga walong taon akong nagpapahayag ng Salita ng Diyos,ngunit di lahat ay mabuti o maganda ang nararanasan ng inyong lingkod. May nakakatawa at nakakahiya ang aking ikukuwento ko sa inyo at sana ay maibigan nyo ang aking nakakahiyang karanasan.
Nangyari po ito noong nagmisyon ako sa isang lugar na kung saan makikita mo ay mga kabundukan,puno,mga malaberdeng mga damuhan. Dahil malayo itong aming lalakbayin, nagpadala ng kabayo ang koordinator ng gawain sa lugar na aking pupuntahan. Ngunit ako pala yung magrerenda ng kabayo o magpapatakbo, kaya nagpaturo ako sa naghatid kung paano magpatakbo at magpahinto ng kabayo. Sa una okay naman ang aking pagpapalakad at pagpatakbo sa kabayo. At dahil malayo nga ang aming lalakbayin at malayo sa kabihasnan ang lugar na aking pupuntahan,minabuti ko ng bilisan pagpapatakbo ng kabayo,ngunit sa kasamaang palad nung paliko na ako di ko na alam ang gagawin kaya nahulog ako sa kabayo at lagabog na nahulog sa kaputikan..buti na lang wala namang nangyari sa akin sa pagbagsak ko sa putik.
Subalit ito ang pinakamasaklap na nangyari,hinabol ko ang kabayo hanggang sa lugar na pupuntahan ko baka kasi mawala ito,at salamat naman sa Dios nakarating ako sa lugar na ako mimisyonin..na labas dila and dila at hingal kabayo ako.😐😉
Kaya nasabi ko sa sarili ko na di na ako sasakay sa kabayo pag pauwi na ako, mas nanaisin ko pa maglakad kaysa sumakay ng kabayo. Pakaumaga,sa kabutihang palad ay may truck na bababa sa bayan para maghatid ng copras kaya ako sumakay,kahit na ang daan doon ay sobrang lalim ng mga lubak.
At dito sa truck na ito nangyari ang nakakahiyang karanasan ko,tuwang tuwang ako kasi di ako sasakay sa kabayo at di na rin ako maglalakad,at isa pa maraming magagandang dalaga ako na mga kasabay..hehe..Dahil malubak,ginawa ko ay tumayo ako at sabay sa giwang ng sasakyan dahil malalim ang mga lubak na aming dinaraanan. Tumatawa ako sabay tingin sa mga dalaga,at tawa din sila ng tawa at nakikitawa na din ako. Noong masiraan ang aming sinasakyan truck doon ko napagtanto kaya pala sila nagtatawanan.
Noong masira ang truck at pinababa muna kami lahat,doon ko nalaman paghawak ko sa puwet ko ay Warat pala ang slack pants na suot ko! At wala pa naman akong dobleng boxer shorts kundi salawal ko lang. Kaya pala panay tingin ng mga babae sa akin at tumatawa hindi dahil sa lubak,kundi sa maputi kong puwet na kasing kulay ng kawali haha ..😃😄
Kaya dali dali akong bumaba at nagtago sa talahib at nagtapis na lang ako ng jacket para matakpan ang warat kong pantalon. Di ko lubos maisip na mangyayari yun ng di ko alam hahaha at hiyang hiya talaga ako hangggang sa makababa ako di ako diretsong makatingin sa mga kasabay ko sa truck at alam ko ako ang kanilang pag uusapan pag wala na ako dun. Hehhe..
Iyan po ang aking lahok para sa ikuwento mo sa steemit ni mam @romeskie. Salamat po sa inyong pagbasa.😊
@blessedsteemer🙏
Vote for my witness;@good-karma;@steemgigs;@cloh76.witness;@ausbitbank; and @precise
To cast your vote visit https://steemit.com/~witnesses
[Pinagkuhanan ng litrato][1] (https://pixabay.com)2345