ဆွမ်းသိမ်းပွဲမှာ စတိတ်ရှိုး လုပ်မယ် ဆိုကတည်းက ရပ်ကွက်ထဲက လူငယ်တွေ ထုံးစံအတိုင်း လှုပ်လှုပ်ရွရွဖြစ်နေကြတာ တွေ့ရသည်။ လက်ဖက်ရည်ဆိုင်၊ အကြော်ဆိုင်နှင့် ဗာဒံပင် အရိပ်အောက် ဟိုတစ်စု ဒီတစ်ဖွဲ့အားလုံး ထိုကိစ္စ တစ်ခုတည်း အရေးတကြီး ဆွေးနွေးကြ၊ စကား ပြောကြနှင့် ရှိသည်။ ဆွမ်းသိမ်းပွဲဆိုလျှင်အရင် နှစ်တွေမှာ ဆိုင်းနှင့် အောင်ပွဲခံလေ့ ရှိသည်။ ဒီနှစ်တော့ စတိတ်ရှိုးတဲ့။ ပို၍ တက်ြွက နေကြခြင်းက
ထိုစတိတ်ရှိုးတွင် နာမည်ကြီး အဆိုတော် လေးငါးဦးအပြင် ရပ်ကွက်ထဲက ဝါသနာရှင် သီဆိုသူများပါ သီဆိုနိုင် ခြင်းကြောင့် ဖြစ်သည်။ ထို့ကြောင့် ထိုစတိတ်ရှိုးကို ရပ်ကွက်တွင်းမှ လူငယ်များ ဦးဆောင် ကြမည်ဖြစ်သည်။
ဆွမ်းသိမ်းပွဲ အပြီး မဟာဒုက် ဘုရားမဲ ဖောက်သည့် ကိစ္စထက်ပင် ထိုကိစ္စကို လူငယ်တွေ ပိုတက်ြွကနေကြသည်။ ရပ်ကွက် ဓမ္မာရုံ ရှေ့က မဏ္ဍပ်တစ်ခု ရောက်လာ၏။ တိုင်ကီတွေ ရွှေ့ကြ၊ စင်တွေ ဆောက်ကြ၊ ရပ်ကွက် လူကြီး တစ်ဦးနှင့် အတူ အိမ်တွေ လျှောက်ကာ ရန်ပုံငွေကောက် လက်မှတ် ရောင်းကြနှင့်ပျော်စရာကြီး ဖြစ်နေသည်။
ထိုသို့ တက်ြွကသည့် လူငယ်များ ထဲတွင် ဇော်ဇော်က အတက်ြွကဆုံး၊ မျက်စိ နောက်စရာ
အကောင်းဆုံးနှင့် အရက်ရောဆုံး ဖြစ်သည်။ ဇော်ဇော့်ကို စတိတ်ရှိုး စင်ဆောက်ရာတွင် ချွေးသံရွှဲရွှဲနှင့်တိုင်ကီတွေ လှိမ့်နေတာ မြင်ရ၏။ စတိတ်ရှိုး ဦးဆောင်သူ လူငယ်များကို လက်ဖက်ရည်ဆိုင်တွင် နေ့ညလက်ဖက်ရည် တိုက်သူများ မှာလည်း ဇော်ဇော် ပင်ဖြစ်သည်။ စတိတ်ရှိုး ရန်ပုံငွေကိုလည်း ဇော်ဇော့်အိမ်က ငါးထောင် ထည့်ထားပြီး ဖြစ်သည်။
ဇော်ဇော့် မိသားစုက ရပ်ကွက်ထဲမှာ ပြည့်စုံသူများ ဖြစ်ကြ၏။ သားသမီးကို အလိုလိုက်သည့် နေရာတွင် နာမည်ကြီးသည်။ ကိုယ့် သားသမီး ထင်ပေါ်ရေး အတွက် အတော် ဂရုစိုက် ကြသော မိဘနှစ်ဦးကို ဇော်ဇော် ရထားသည်။ ရပ်ကွက်ထဲမှာ စက်ဘီးတွေ ခေတ်ထတုန်းက စက်ဘီး အရင်စီးနိုင်သူမှာ ဇော်ဇော်နှင့် သူ့ညီမ။တယ်လီဗေးရှင်း ပေါ်တော့ ပထမဦးဆုံး ဝယ်တာ ဇော်ဇော်တို့အိမ်။ အောက်စက်လည်း ထို့ အတူပင် ဖြစ်၏။ ဂစ်တာ၊ တောက်ခုံ၊ ဆောင်းဘောက်စ်နှင့် ကက်ဆက် ကောင်းကောင်း ရှိသော သားနှင့်သမီး၏ သူငယ်ချင်းများ ဆိုလျှင် အမြဲ လိုက်လျော သဘောကောင်းသော ဇော်ဇော့် မိဘ များကြောင့် သူ့အိမ်မှာ လူငယ်တွေ စည်ကားသည်။ ဇော်ဇော့် အိမ်မှာ သူငယ်ချင်း လေးငါးယောက် လောက်တော့ အမြဲရှိနေတတ်သည်။
သီချင်းတိုက်ကြတော့လည်း ဇော်ဇော့် အိမ်မှာပင် ဖြစ်သည်။ မိခင်က အုန်းနို့ ခေါက်ဆွဲ၊ နန်းကြီးသုပ်၊ ဒံပေါက်၊ ရွှေရင်အေး စသည့်ဖြင့် လုပ်ကျွေးသည်။ ဇော်ဇော် အဆိုကောင်းကြောင်း တီးဝိုင်း အဖွဲ့မှ မှတ်ချက်ပေးကြ သဖြင့် ဇော်ဇော်က သူ့ဖခင်ကို စီးရီးထုတ် ပေးရန်တောင် ပူဆာနေပြီဟု မိခင်က မနက် မုန့်ဟင်းခါးဆိုင်တွင် စိတ်ညစ်သလို အမူအရာနှင့် ဂုဏ်ယူကာ ပြောနေပြီ ဖြစ်သည်။
ဒီစတိတ်ရှိုးမှာ ဇော်ဇော် ဒီလောက် တက်ြွက နေသည့် အကြောင်း တစ်ခု ကလည်း ရှိသေးသည်။
ဇော်ဇော် ကြိုက်နေသော ကောင်မလေးက ဇော်ဇော် သီချင်း ဆိုပြီးလျှင် အဖြေပေးမည်ဟု ကတိ
ပေးထားခြင်းပင် ဖြစ်သည်။ ထိုကောင်မလေးက ဇော်ဇော့် ညီမ သူငယ်ချင်း အချောအလှကလေး ဖြစ်၏။
ထို့ကြောင့် ဇော်ဇော် ဤမျှ တက်ြွကကာ စတိတ်ရှိုးကို ဤမျှ လုံးပန်း နေခြင်းလည်း ဖြစ်သည်။
ဆွမ်းသိမ်းပွဲ ပြီးသည့် ညနေမှာ စတိတ်ရှိုး စရန်သာ ရှိတော့၏။ ဇော်ဇော့်ကို တက်ြွက
လှုပ်ရှားနေကြသည့် လူငယ်တွေကြားတွင် ညနေ လေးနာရီခန့် ကတည်းက ရှူးဖိနပ်ပြောင်၊ ဘောင်းဘီအသစ်၊ ကုတ်အင်္ကျီ တလက်လက်ဖြင့် တွေ့ရသည်။ စတိတ်စင်ပေါ် တက်လိုက်၊ ခင်းထားသည့် ခုံတွေကြားထဲပြေးလိုက်၊ လက်ဖက်ရည်ဆုင်ိထဲ ရောက်လာလိုက်၊ အဆိုတော် ကြိုသော ကားပေါ် ပါသွားလိုက် လူကြီးတွေနှင့် ရပ်စကား ပြောလိုက်နှင့် ရှိ၏။
ညနေရီ နေရောင်ဝင် သွားသည်နှင့် စတိတ်ရှိုးစင် မီးလင်းကာ အလျှိုအလျှို ဈေးသည်တွေ ရောက်လာပြီး စတိတ်ရှိုးစင် လမ်းတစ်လျှောက် ပွဲဈေးတန်း ကလေး ဖြစ်သွားသည်။ လူလည်း တော်တော် စည်၏။ မကြာမီ တီးသူတွေ စင်ပေါ်တက်လာ၊ ဂစ်တာကြိုးညှိသည့် အသံ၊ အော်ဂင်ကစားသံ၊ ဘေ့စ်စမ်းသံ၊ မိုက်ကရိုဖုန်း
စမ်းသံတွေကြောင့် ပရိသတ် ပိုမို လှုပ်ရွ လာသည်။ ဇော်ဇော်ကတော့ စင်ပေါ် တက်လိုက်၊ အော်ဂင်သမားကို တိုးတိုး၊ လိဒ်တီးသူကို ရယ်မော၊ ဒရမ်တီးသူကို စီးကရက်ပေး၊ စင်အောက် ပြန်ဆင်းကာ မိသားစုနှင့် အတူရှိနေသော ကောင်မလေးနား ဝင်ထိုင်၊ ပြန်ထွက် တော်တော်ကို မျက်စိ နောက်စရာကောင်း နေ၏။
စတိတ်ရှိုး စခါနီးမှာ ဇော်ဇော် အဝတ်အစား တစ်ကြိမ် လဲသည်။ အဖွင့် တီးလုံး တီးပြီးတော့
ရပ်ကွက်ထဲမှ ကောင်လေး တစ်ယောက် ဆိုသည်။ သိပ်အဆင်မပြေလှ သော်လည်း ကိုယ့် ရပ်ကွက်သားမို့အားပေးကြ၏။ ဇော်ဇော်က စတိတ်ရှိုး အစမှာ မဆိုချင်၊ စင်မငြိမ်သေး သဖြင့် အစပိုင်း ဆိုသူများသည် ထိရောက်မှု မရှိတတ် ဆိုတာကို ဇော်ဇော် သိသည်။ စတိတ်ရှိုး အထာကျ သွားပြီ ဖြစ်သော ဆယ်ယောက်မြောက်လောက် ကျမှ သူဆိုမည် ဖြစ်သည်။ ထို့နောက် ဝါသနာရှင်များ ဆိုကြရင်း နာမည်အသင့်အတင့်ရပြီး အဆိုတော် တစ်ယောက် တက်သည်။ နာမည်မကြီး သော်လည်း အဆိုတော် အစစ်ဖြစ်သဖြင့် သပ်ရပ်စွာ ဆိုသွားနိုင်သည်။ ထို့နောက် အဆိုရှင်မှာ ဇော်ဇော်ဟု ကြေညာသည်။ လက်ခုပ်သံတွေ
ဆူညံကာ သွား၏။ ခုနက အဆိုတော် ထက်ပင် မဆိုသေးခင် ကတည်းက အားပေးမှုက အားကောင်းနေသည်။
ဇော်ဇော် စင်ပေါ်ကို လက်ပြကာ တက်လာ၏။ ထုံးစံ အတိုင်း အတီးသမား များနှင့် ခပ်တိုးတိုး
ခပ်ကြာကြာ စကားပြောကာ မိုက်ရှေ့ တွင် ရပ်သည်။ တခြားလူတွေလို မဟုတ်ဘဲ ဇော်ဇော်က စကားကိုအရင် စပြော၏။
“ ကျွန်တော် အခုသီဆိုမယ့် သီချင်းက ကျွန်တော့် ရင်ထဲက ရည်ရွယ်သူ အတွက်ပါ။ ရည်ရွယ်သူရဲ့
ရင်ထဲကို ရောက်အောင် ကျွန်တော် သီဆိုမယ့် သီချင်း ကလေးရဲ့ နာမည်ကို မပြောဘဲ ပရိသတ်နဲ့ရည်ရွယ်သူတို့ ခံစား ကြည့်ကြပါ ခင်ဗျာ”
ဇော်ဇော့် စကားဆုံးသည်နှင့် အော်ဂင်သံ ကစ၍ှုညအမသ ဝင်စဉ် မီးတွေ အားလုံး ပြတ်ကာ ဖျတ်ခနဲမှောင်အတိ ကျသွား၏။ အံ့ဩစွာ “ဟာ” “ဟင်” အော်သံများ၊ “ဖြူးစ်ကိုကြည့်” “မီးခလုတ်တွေ အရင်ပိတ်”စသော စင်ပေါ်မှ အသံများ၊ လက်နှိပ်ဓာတ်မီးတွေ စင်ပေါ်ရောက် လာကြ၊ ပရိသတ် အော်သံ စသည်ဖြင့်ဆူညံကာ သွားကြ၏။ မီးက တစ်ရပ်ကွက်လုံး ပျက်ခြင်း မဟုတ်။ မီးကြိုးဆွဲထားသည့် အိမ်တစ်အိမ်သာပျက်ခြင်း ဖြစ်၏။ ဖြူးစ်ပြတ်သွားသည် ဟု ဆိုသည်။
ဆယ်မိနစ် လောက်ကြာတော့ မီးတွေ ပြန်လင်း လာကာ လူတွေ ကလေးတွေ ပျော်ရွှင်စွာ အော်ဟစ်ကြ၏။ တီးသူတွေ စင်ပေါ်သို့ တက်လာ ကြသည်။ ဇော်ဇော် မိုက်ရှေ့ ပြန်ရပ် သော်လည်း feel အောက်နေပုံ ရ၏။ စင်ပေါ်မှ မိုက်ကိုင်ကာ ရပ်နေ သော်လည်း တီးသံ မလာသေး။ ဂစ်တာမှ
လျှပ်စစ်ကြိုးတွေ အခုမှ ပြန်ဆက် ရသည်။ ဇော်ဇော် ဆယ်မိနစ်လောက် ကြောင်တောင်တောင်နှင့် ရပ်နေရ၏။
Intro အသံ ဝင်လာသည်။ သီချင်းက ရှိုင်းအောင်၏ “ကောင်မလေး” သီချင်း။ လူတွေ ခပ်ကြဲကြဲ ခပ်ဖွဲဖွဲသာ လက်ခုပ်တီးတော့သည်။ မီးသာ မပျက်လျှင် သီချင်း intro သံ ကြားကတည်းက လက်ခုပ်သံတွေ ဝေါခနဲ စဉ်လွင့်လာမှာ သေချာ၏။
“ မင်းအနားကို ရောက်ရင်...”
မီးပျက်သွားပြန်သည်။
လူတွေ အော်သံတွေ စုံနေ၏။ မီးက အကုန်ပျက်ခြင်း မဟုတ်။ ဟိုဘက်လိုင်း လာသည်။ ဟိုတစ်ဖက်လိုင်းသို့ ရွှေ့ကြ ပြောင်းကြသည်။ မီးပြန်လာသည်။ ဇော်ဇော် ပြန်တက်၏။ စင်ပေါ်မှာ ဆယ်မိနစ်ခန့်ရပ်စောင့်သည်။ intro တီးသည်။
“ မင်းအနားကို ရောက်ရင် မမြင်သလိုနဲ့ လှမ်းခိုးကြည့်တယ် မင်းမျက်နှာလေးရယ်”
မှောင်ကျ သွားပြန်သည်။
လူတွေ အော်ကြပြန်၏။ ပထမပြတ်သွားသော လိုင်းက ပြန်လာကာ ခုနက ချိတ်ထားသော လိုင်းက
ပြန်ပြတ် သွားခြင်း ဖြစ်သည်။ အော်ကြ ဟစ်ကြ ပြေးကြလွှားကြ။ နောက်ဆုံး နှစ်ဖက်စလုံး ပြတ်သွား၏။ ခဏကြာတော့ အော်သံဟစ်သံများ ငယ်သံပါအောင် အော်ကြသည်။ ဆွဲကြလွဲကြ အော်ကြဟစ်ကြ။ မီးတွေအားလုံး ပြန်လင်း လာသည်။ ဇော်ဇော့် မျက်နှာမှာ သွေးတွေ ရွှဲနေ၏။ တာဝန်ရှိ လုံခြုံရေးရဲများလည်းရောက်လာသည်။ ဇော်ဇော်နှင့် စင်အောက်မှ ပရိသတ် ရန်ဖြစ်ခြင်း ဖြစ်သည်။ ပွဲပျက်တော့မလိုအထိ ဖြစ်သွား၏။ ဇော်ဇော် ဖြစ်ပုံကို စင်အောက်က ကြည့်သူက စရင်း ရန်ဖြစ်ကြခြင်း ဖြစ်သည်။
ဇော်ဇော် ဆေးရုံရောက်ကာ ဇော်ဇော်ကို ရိုက်သူများ စခန်းရောက်သွား ကြ၏။ စတိတ်ရှိုး ဆက်လက်ကျင်းပ ပါသည်။ မီးလုံးဝ ထပ် မပျက်တော့။ လူတွေ အားလုံး ဆိုကြ၊ ပျော်ကြ၊ အော်ကြ ရပါသည်။ ပွဲအစအဆုံး ဆိုချင်လွန်း အားကြီးသော ဇော်ဇော်တော့ မဆိုလိုက်ရ။ ရချင်လွန်းအားကြီးလျှင် ပျက်တတ်သော ဥပမာလေး တစ်ခုအဖြစ် ကျွန်တော် အမှတ် ရနေခဲ့ ပါသည် ခင်ဗျား။ ။