ညီအစ်ကို မသိတသိ ဂေါဝိန်​

ည​နေခင်းဆည်းဆာသည်​ ​ဂေါဝိန်​ကို နှုတ်​ဆက်​​တော့မည်​။ အနားတွင်​ ဆူညံစွာ​ အော်​ဟစ်​ရွှင်​ပြ ရယ်​​မော​နေကြ​သော ​ရေချိုး​နေသည့်​ က​လေးတစ်​သိုက်​ကို မနွယ်​​ ငေးကြည့်​​နေသည်​။ မနွယ်​​ခေါ်လာသည့်​ အိမ်​​ဖော်​က​လေးမ မိခိုင်​က​တော့ ​ရေစပ်​​ကျောက်​တုံး​ပေါ်တွင်​ ငုတ်​တုတ်​က​လေး ထိုင်​ရင်း ဟို​ငေး သည်​​ငေး။

မနွယ်​ သက်​ပြင်းတစ်​ချက်​ ချလိုက်​သည်​။ ​နေ တဖြည်းဖြည်း​စောင်း​နေပြီ။ မနွယ်​အတွက်​ အချိန်​လက်​ကျန်​ တဖြည်းဖြည်းနည်းလာသည်​ကို ခံစားသိ​နေသည်​။ ​ရေထဲသို့ ကျွမ်းပစ်​လိုက်​သည့်​အရှိန်​နှင့်​ ​ရေ​တွေ ဗွမ်းခနဲ သူ့ကို လာစင်​တာကိုပင်​ သတိမပြုမိ​အောင်​ ​နေလုံးကြီးကိုသာ ​ငေးကြည့်​​နေသည်​။ ​နေလုံးကြီးကို ဆွဲမထားချင်​ပါ။ သွားပါ​စေ​တော့။ မနွယ်​အတွက်​ အ​ကြောင်းမထူး​တော့။ ဒီ​နေလုံးကြီး အ​နောက်​ဘက်​မင်းဝံ​တောင်​ရိုး​ပေါ်ကို ဖြတ်​ပြီး လုံးဝငုပ်​လျှိုးသွားသည့်​အချိန်​တွင်​ အလင်း​ရောင်​​တွေ ​ပျောက်​သွားလိမ့်​မယ်​။ အဲ့ဒီအချိန်​မှာ မနွယ်​ လုပ်​စရာရှိတာ လုပ်​ရလိမ့်​မယ်​။ ခု​တော့ အချိန်​နည်းနည်း လို​သေးသည်​။

မနွယ်​ သက်​ပြင်းတစ်​ချက်​နှင့်​အတူ မိခိုင်​​ဘေး​ ကျောက်​တုံး​ပေါ်တွင်​ ဝင်​ထိုင်​သည်​။ လက်​ထဲမှ ဆိုင်​ကယ်​​သော့ လွတ်​ကျသွား၍ မိခိုင်​က ကမန်းကတမ်း​ကောက်​ပြီး `​ရော့ မမ´ဟု လက်​က​လေးနှစ်​ဖက်​နှင့်​ တရိုတ​သေ ​ပေးသည်​။ မနွယ်​ မလို​တော့၍ မယူလိုက်​​တော့ပါ။ မိခိုင်​၏ အလိုက်​တသိရှိမှုကိုသာ မနွယ်​ အသိအမှတ်​ပြုရင်း ခပ်​နွမ်းနွမ်း​လေးပြုံး​နေသည်​။

---

မနွယ်​၏ ဘဝအစသည်​ မလှခဲ့ပါ။ အ​ဖေအ​မေဆုံးပါးသွားပြီးချိန်​ ထုံးစံအတိုင်း အစ်​မအိမ်​မှာ ကပ်​​နေ။ အစ်​မက ခုနစ်​တန်း​အောင်​ပြီး​သော မနွယ်​ကို ​စေ့​စေ့ကြည့်​ရင်း ​ကျောင်းဆက်​​တက်​​တော့လည်း ဘာထူးမှာလဲ။ ၈တန်း၊ ၉တန်း၊ ၁၀တန်း ကျူရှင်​ခ​တွေ ငါ မတတ်​နိုင်​ဘူး၊ ထမင်းတစ်​လုတ်​က​တော့ ဘယ်​လိုရှာစားစား၊ ငါနဲ့လိုက်​ပြီး ​ကျောက်​​ရောင်းလှည့်​´ဟု ဆို​တော့ သိပ်​ပြီးဝမ်းမနည်းဘဲ မနွယ်​ ​ကျောက်​ဝိုင်းထဲ​ရောက်​သွားသည်​။ ဝမ်း​တောင်​ သာ​သေးသလိုပါပဲ။ ကား​မောင်းရာက နားလာပြီး သူ့​နေလည်​စာ ပြန်​စားသည့်​အချိန်​နှင့်​ မနွယ်​ ​ကျောင်းက ​နေ့လည်​ပြန်​လာတာ တမင်​တိုက်​ဆိုင်​​အောင်​ ထွင်​တာလား မသိ​သော အစ်​မ​ယောက်ျားက​ကောင်​မ​လေး ထမင်းခူးစမ်း´ဆိုတာကို မနွယ်​ နားခါး​နေတာကြာပြီ။ ​ကျောက်​​ရောင်းတဲ့အစ်​မက ဘာမှမသိ။ ခဲအိုက ပခုံးဖက်​လား၊ ​ခေါင်းကိုင်​လားနှင့်​ ​ခေါင်းစည်းကြိုး​တွေ၊ ဖဲပြား​တွေ ဝယ်​​ပေးတာ အစ်​မ မမြင်​​အောင်​ သိမ်းထားရတာလည်း လိပ်​ပြာမလုံ။ အခု​တော့ သူလွတ်​လွတ်​လပ်​လပ်​ အလှပြင်​နိုင်​ပြီ။ လွတ်​လွတ်​လပ်​လပ်​ မုန့်​ဝယ်​စားနိုင်​ပြီ။

အစ်​မ ခင်း​ပေးသည့်​ ပီနီအိတ်​​ပေါ်က အာကတန်​​ကျောက်​ရိုင်းတုံးက​လေးများသည်​ မနွယ်​ စိတ်​ကို မဆွဲ​ဆောင်​နိုင်​။ ညီမ​လေး ဒီ​ကျောက်​ဘယ်​​လောက်​လဲ။ ​ကျောက်​က​လေး​တွေ လှသ​လောက်​ ညည်းကလည်း လှတာပဲကိုး။ ​ကျောက်​ထက်​ လူက ပိုတန်​သလားဆိုသည့်​ စကားအမျိုးမျိုးကို ​နေ့စဉ်​နှင့်​အမျှ ထည်​လဲလာ​ပြောကြသည့်​ ပျိုပျိုအိုအို ပုရိသ​တွေက မနွယ်​ကို အမျိုးမျိုးဆွဲ​ဆောင်​ကြသည်​။ မနွယ်​ ​ကျောက်​ဝိုင်း​ရောက်​မှ အလှပြင်​ ကျွမ်းကျင်​လိမ္မာလာသည်​။ စကားအ​ပြောအဆို ညက်​​ညောလာသည်​။ အပြုံး၊ အရယ်​၊ အနွဲ့ ပလီတတ်​လာသည်​။ ဟယ်​ ​ကောင်​မ​လေး​နော်​ ဗိုင်း​ကောင်း​ကျောက်​ဖိ​နေ​နော်​၊ ဣ​နြေ္ဒကို မရဘူး။ နင်​ ​တော်​​တော်​ကဲ​နေပါလားဆိုတဲ့ စကား​တွေ အစ်​မက တစ်​​နေ့တစ်​မျိုး အမျိုးမျိုး နားညည်း​အောင်​ ​ပြောလွန်းသည်​ဟု မနွယ်​ ထင်​လာသည်​။

တနေ့တွင်​ ​လောပန်း ကိုကြင်​စိန်​​ခေါ်ရာသို့ လိုက်​ခဲ့သည်​။ လွယ်​လွယ်​ကူကူပါပဲ။ သိပ်​ပြဿနာမရှိပါ။ ကိုကြည်​စိန်​ ​မှော်​ထဲမှာ ငှက်​ဖျားမိပြီးဆုံး​တော့ မနွယ်​ မျက်​ရည်​မကျပါ။ ကိုကြင်​စိန်​အခန်း၊ အိမ်​​ထောင်​ပရိ​ဘောဂအပြည့်​အစုံ၊ ဆိုင်​ကယ်​တို့ကို မနွယ်​ ရလိုက်​သည်​။ ထိုက်​တန်​သည်​ဟု ထင်​သည်​။ ​ကျောက်​ဝိုင်းထဲမှာ အပွင့်​​ကောက်​​သော မိန်းမတစ်​​ယောက်​ တိုးလာတာက လွဲလို့ ​လောကကြီးက ​ပြောင်းလဲမသွားပါ။ မနက်​မနက်​ဆိုလျှင်​ ဆိုင်​ကယ်​​လေး ​လျောခနဲထိုးစိုက်​ပြီး ​နေကာမျက်​မှန်​​လေး အင်္ကျီရင်​ဘတ်​ကြားထိုးကာ ဟန်းဘတ်​အိတ်​က​လေးလွယ်​ကာ မနွယ်​မို့ ​ကျောက်​ဝိုင်းအလယ်​လမ်းအတိုင်း ​လျှောက်​လာလျှင်​ နှုတ်​ဆက်​ချင်​သူ​တွေ ​ပေါလှသည်​။ ဒါက တင်​ဟန်​​မောင်​နှင့်​ မ​တွေ့ခင်​အထိ ဖြစ်​သည်​။

---

`နွယ်​ ... ဒါက တင်​​ဟန်​​မောင်​တဲ့။ တရုတ်​ကုမ္ပဏီကြီးတစ်​ခုက လူယုံ​ပေါ့။ သူက ​အစီးလိုင်း များများ​ကောက်​လိမ့်​မယ်​။ နွယ့်​ကို တမင်​ဆုံ​ပေးတာ´

မနွယ်​ မျက်​လုံးတစ်​ချက်​ ​ဝေ့ကြည့်​လိုက်​စဉ်​မှာပင်​ ရင်​တဒိုင်းဒိုင်းခုန်​သွားသည်​ဟု ခံစားရသည်​။ ငါ ​ယောက်ျာမ​တွေ့ဖူးတာမှ မဟုတ်​ဘဲဟု မနွယ်​ စိတ်​​ဖြေကြည့်​​တော့လည်း မရ။ ဘယ်​လိုဖြစ်​မှန်းမသိ။ တင်​​ဟန်​မောင်၏အကြည့်​၊ တင်​​ဟန်​​မောင်​၏ အယိမ်းအနွဲ့၊ ကုန်​ကုန်​​ပြောရလျှင်​ ဟန်းဖုန်းကိုင်​တာ၊ စီးကရက်​မီးညှိတာ၊ လူကို​တွေ့တာနဲ့ မင်္ဂလာပါ မနွယ်​ဟု ပြုံးပြီးနှုတ်​ဆက်​တာ​တွေက မနွယ်​ကို တစ်​ခုချင်း ဖမ်းစား​နေသည်​ဟု ထင်​သည်​။ တင်​​ဟန်​​မောင်​ အိတ်​ထဲက ထွက်​လာသည့်​ငွေ​တွေနှင့်​ မနွယ်​ အားကြိုးမာန်​တက်​ အပွင့်​​ကောက်​သည်​။

"နားပါဦး နွယ်​ရယ်​၊ မင်းနဖူးမှာ ​ချွေး​လေး​တွေကို သီး​နေတာပဲ၊ ​ရော့ တစ်​ရှူးနှင့်​ သုတ်​လိုက်​"

မနွယ်​၏အိမ်​မှာ တင်​​ဟန်​​မောင်​က စားပွဲ​ပေါ် လက်​​ထောက်​ကုန်းငုံ့ပြီး တစ်​ရှူးနှင့်​ ​ချွေးတို့​ပေးသည်​။ မနွယ်​က ရီ​ဝေ​သောမျက်​လုံးများနှင့်​ ​မော့ကြည့်​သည်​။ တင်​​ဟန်​​မောင်​က ဖျတ်​ခနဲ ငုံ့နမ်းလိုက်​သည်​။ ပြီးမှ ...
"ဟင်​ က​လေးမ ရှိတယ်​​နော်​"
"အို ... မိခိုင်​က နွယ့်​သ​ဘောပါ၊ သိပ်​စိတ်​ချရတယ်​၊ စကားလည်း မရှုပ်​ဘူး"
"ဟုတ်​လား ဒါဖြင့်​"

မနွယ်​ နတ်​ပြည်​​ရောက်​သည်​ဟု ကိုယ့်​ကိုယ်​ကို ယူဆသည်​။ တင်​​ဟန်​​မောင်​က အချီကြီးသမား၊ လူတိုင်းက ​လေးစားရ​သော ကုန်​သည်​ကြီး၊ သူ့ကုမ္ပဏီမှာ ဒါရိုက်​တာအဖွဲ့ဝင်​။ မနွယ်​ မိုးမမြင်​ ​လေမမြင်​​ပျော်​သည်​။ ​ပျော်​ရ​အောင်​လည်း တင်​​​ဟန်​​မောင်​က အလိုလိုက်​ အကြိုက်​​ဆောင်​သည်​။ ကဖီး​ဂျေ​ဂျေ၊ ကဖီးပီကာဆိုး၊ ကဖီးဘ​ရောလီ၊ ဆီဒိုးနား၊ မန္တလေး ​ဟေးလ်​ရီ​ဆော့၊ ဧည့်​ခံပွဲ​တွေ၊ တကယ့်​ လူကုန်​ထံအသိုက်​အဝန်းကို တင်​ဟန်​​မောင်​​ခေါ်သွားမှ မနွယ်​​ရောက်​ဖူးသည်​။ ​ရောက်​ဖူး​တော့ ယစ်​မူးလာသည်​။ မနွယ်​ဘဝတွင်​ အ​ပျော်​ဆုံး​ရွှေ​ရောင်​​နေ့ရက်​များပါပဲ။ မနွယ်​ လူတင်​မက အသည်းနှလုံးကပါ တင်​ဟန်​​မောင်​ကို စွဲစွဲမြဲမြဲ ချစ်​မိပြီထင်​​သော အချိန်​တွင်​မှ အချိန်​ကိုက်​ဗုံး​ဖောက်​မည့်​သူ ​ပေါ်လာသည်​။

တရက်​ က​ဖေး​ဂျေ​ဂျေထဲမှာ ကပ်​ပချီနိုတစ်​ခွက်​နှင့်​ ​ကော်​​ဖီ​ပေါ်က အသည်းပုံ မလိုင်​ဖတ်​က​လေး​တွေ လက်​ညှိုးတထိုးထိုး လုပ်​​နေစဉ်​...
"ဟန်​ကြီး​ရေ"

အသံ​လေးက ချိုလှသည်​။ တင်​ဟန်​​မောင်​ ​မော့ကြည့်​သည်​။ မီးခဲကိုင်​မိသလို တုန်​သွားသည်​။ သူ့အသံကြီးက လန့်​စရာ။
"ဟာ ​ဘော့စ်​"

လန့်​ရ​လောက်​​အောင်​ မျက်​နှာထား ဆိုးဆိုးကြီး မဟုတ်​ပါ။ ​ချောလိုက်​တာမှ မှုန်​​နေသည်​။ ရယ်​လိုက်​တာ သွားဖုံးက​လေးများပင်​ ရဲလို့။ မနွယ်​ ​ကြောင်​​နေသည်​။ တင်​ဟန်​​မောင်​၏ပခုံးကို ကိုင်​ပြီး တရုတ်​ဘာသာနှင့်​ ရွှတ်​ရွှတ်​ယှက်​ယှက်​​တွေ ​ပြောပြီး လှည့်​ထွက်​သွား​တော့ စကပ်​အနက်​က​လေးအ​ရွေ့မှာ ​ပေါင်​​ဖွေး​ဖွေးက​လေး​တွေကို မနွယ်​မြင်​လိုက်​ရသည်​။ တင်​ဟန်​​မောင်​ တုန်​တုန်​ရီရီနှင့်​ မနွယ်​ကို​တောင်​ နှုတ်​မဆက်​ဘဲ ​နောက်​ပါးမှ အ​ပြေးလိုက်​သွားလိုက်​တာ ဟန်းဖုန်း​တောင်​ ​မေ့ကျန်​ခဲ့သည့်​အထိပါပဲ။ မ​သောက်​ရ​သေး​သော ကပ်​ပချီနိုနှစ်​ခွက်​နှင့်​ ​ကျောက်​ရုပ်​တစ်​ရုပ်​လို မနွယ်​ ကျန်​ရစ်​ခဲ့သည်​။ ​ကျောက်​ရုပ်​ဆိုတာ အသည်းနှလုံးမှရှိတာ မဟုတ်​ဘဲ​လေ။ ဒါ​ပေမယ့်​​ပေါ့။

---

"ဘယ်​လိုမှ ဆက်​သွယ်​လို့ မရဘူး"

မနွယ်​ မရှက်​နိုင်​ပါ။ ဟိုခင်​ကို ​လျှောက်​၍ လင်​​ပျောက်​ကို ရှာသည်​မှာ စုံနံသာမြိုင်​ထက်​ လူများ​သော ​ကျောက်​ဝိုင်းတစ်​ဝိုင်းလုံး သိပါသည်​။ ​တွေ့ရာလူကို အကူအညီ​တောင်းသည်​။ ပြုံးသူပြုံး၊ မဲ့သူမဲ့။ တချို့က `ကျွတ်​ ကျွတ်​´ဟု စုတ်​သပ်​သည်​။ ​နောက်​ဆုံးသတင်းအရ တင်​ဟန်​​မောင်​တို့ ​ရွှေလီမှာ ပွဲရုံထိုင်​​နေပြီတဲ့။ သူ့ကုမ္ပဏီက တင်​ဟန်​​မောင်​​နေရာမှာ လူစားတစ်​​ယောက်​ လွှတ်​လိုက်​သည်​။ မန္တလေးမှာ မနွယ်​ဌာနမှ ​ခေတ္တယာယီ ပိတ်​ထားပါတယ်​ဟူသည့်​ ဖုန်းတစ်​လုံးနှင့်​ ကျန်​ခဲ့သည်​။

မနွယ်​ မခံနိုင်​ပါ။ မနွယ်​ မရှက်​တတ်​ပါ။ ဘာကိုမှ မ​ကြောက်​ပါ။ ဒါ​ပေမယ့်​ အသည်းနှလုံးက ခံစားချက်​က ဆိုးလှသည်​။ ဘာမှ သံ​ယောဇဉ်​မရှိတဲ့ဘဝမှာ ဘာကို တွယ်​တာမက်​​မော​နေရဦးမှာလဲ။ မနွယ်​ စာတစ်​​စောင်​​ရေးသည်​။ စာကို ယူပြီး ဆိုင်​ကယ်​နှင့်​ မိခိုင်​ကို​ခေါ်ကာ ​ဂေါဝိန်​ဆိပ်​သို့ လာခဲ့သည်​။ ​ရေထဲခုန်​ချပြီး သတ်​​သေ​တော့မည်​။ ​နောက်​ဆုံးအ​နေနှင့်​ တင်​ဟန်​​မောင်​အတွက်​ စာကို မိခိုင်​ကို အပ်​ခဲ့သည်​။ တင်​ဟန်​​မောင်​ ​ကြေကွဲပါ​စေ။ မျက်​ရည်​ကျပါ​စေ။ ​နောင်​တရပါ​စေသား။

---

  ​

တောင်​စွယ်​တွင်​ ​နေကွယ်​ပြီ၊ အချိန်​ကျပြီ။ အ​မှောင်​ထုက တဖြည်းဖြည်း ကြီးစိုးလာ​နေပြီ။ တကယ့်​ကို ညီအစ်​ကို မသိတသိ ဝိုးတိုးဝါးတားအချိန်​ ​ရေကာ်​လာပြီ။ ​ရေချိုး​နေသူများ တစ်​​ယောက်​မှ မရှိ​တော့။ သူနှင့်​မိခိုင်​ နှစ်​​ယောက်​သာရှိသည်​။ မနွယ်​ အားတင်း၍ ထရပ်​လိုက်​သည်​။ မိခိုင်​ကို ကြို​ပြောထားမှ ဖြစ်​မည်​။ နို့မဟုတ်​ပါက သူက လန့်​ဖြတ်​​အော်​လိုက်​လျှင်​ ကယ်​မယ့်​သူ ​ပေါ်လာနိုင်​​သေးသည်​။ မနွယ်​ တကယ်​ကို ​သေချင်နေတာမို့ အကယ်​မခံချင်​ပါ။

"မိခိုင်​ ဒီစာယူထား။ တင်​ဟန်​​မောင်​လာရင်​ ​ပေးလိုက်​​နော်​၊ အခု ငါ ​ရေထဲခုန်​ချပြီး သတ်​​သေမလို့"
"ရှင်​ မမ၊ ဟုတ်​ကဲ့"

မနွယ်​ တအားအံဩသွားသည်​။ မိခိုင်​က ဝူးဝူးဝါးဝါးလန့်​မ​အော်​ရုံမက တားမြစ်​ခြင်းပင်​ မရှိပါ။ ဒါ​ပေမယ့်​ မနွယ်​ ဒီအချိန်​မှာ ဂရုမစိုက်​နိုင်​​တော့။ အ​မှောင်​ထုက သိသိသာသာ အုံ့မိုးလာပြီမို့ ဖိနပ်​က​လေးချွတ်​ပြီး ​ရေထဲ လှမ်းဆင်းလိုက်​သည်​။ သွား​တော့မယ်​ တင်​ဟန်​​မောင်​ရယ်​။

"မမ ခဏ ​နေပါဦး"
"ဟင်​ ဘာလဲ"

လည်​ပြန်​ကြည့်​ပြီး မ​နွယ်​ ​မေးလိုက်​​တော့ မိခိုင်​က ထလာသည်​။ သူ့ကို မနွယ်​ ​မော့ကြည့်​​နေရသလို ဖြစ်​​နေဆဲ
"မမ မ​သေခင်​ မမလည်​ပင်းက ဆွဲကြိုးရယ်​၊ လက်​​ကောက်​ ငါးရံရယ်​၊ စိန်​နားကပ်​နှင့်​ စိန်​လက်​စွပ်​ပါ ​ပေးထားခဲ့ မမ၊ ကျွန်​မ ဆိုင်​ကယ်​က​လေးနဲ့ ပြန်​ရုံပဲ"

ဆိုင်​ကယ်​​သော့ တယမ်းယမ်းနှင့်​ မိခိုင်​က တည်​တည်​ငြိမ်​ငြိမ်​​ပြောသည်​။

"ဘာ ... နင်​ .. နင်​"
"ဟုတ်​တယ်​​လေ။ မမ ဘာလုပ်​မှာလဲ၊ ကဲ...ကဲ... ချွတ်​ ချွတ်​"
"အမယ်​​လေး ဘုရား ....၊ နင်​ ငါ့ကိုများ လုပ်​ကြံမလို့လား"

မနွယ်​ အံ့ဩလွန်းအားကြီး၊ ​ကြောက်​လွန်းအားကြီး၍ အသံမထွက်​​တော့။ ​လေ​အေး​လေးက တစ်​ချက်​သုတ်လိုက်​၍ ကြက်​သီး​တွေ ဖြန်းခနဲထသွားသည်​။ မိခိုင်​ကို ကြည့်​လိုက်​​တော့ ​ရေစပ်​ကို ဆင်းလာပြီ။

မနွယ်​ ချက်​ချင်းဆုံးဖြတ်​ချက်​ချပြီး မိခိုင်​​ဘေးမှဖြတ်​၍ တာရိုး​ပေါ်​ ပြေးတက်​သည်​။ ကယ်​ကြပါလို့ ​အော်​ချင်​​ပေမယ့်​ အသံက မထွက်​၊ တာရိုးလမ်းအတိုင်း ဖိနပ်​မပါဘဲ ​ပြေး​နေသည့်​မနွယ်​ကို လူ​တွေက တအံတဩ ကြည့်​ကြသည်​။

မိခိုင်​က​တော့ ​အေး​အေး​ဆေး​ဆေးပြန်​တက်​လာပြီး ရပ်​၍ ​မျှော်​ကြည့်​​နေသည်​။ သူ ပြုံး​နေသလား မသိပါ။ ခဏကြာ​တော့ ​ဂေါဝိန်​သည်​ အ​မှောင်​ထုထဲမှာ ငုပ်​လျှိုး​ပျောက်​ကွယ်​သွားသည်​။ ဧရာဝတီက​တော့ သူ့ရင်​ခွင်​ထဲကို တစ်​စုံတစ်​​ယောက်​ ခိုဝင်​မလာသည့်​အတွက်​ ဝမ်းနည်းသလား၊ ဝမ်းသာသလား၊ မ​ပြောတတ်​ပါ။

KMMT