Pa, ilang araw na lang at bibisita na ulit kami ng iyong mga apo sa iyong munting tahanan. Ito ang nakasanayan na ng ating pamilya, ang magkaroon ng lingguhang pagkakasiyahan at pagbubuklod-buklod nating mag-anak.
Ipagluluto kita ng "FaCham" version ko at syempre magluluto ako ng pinakabagong natutunan ko. Sobra akong nananabik sa munti nating salo-salo.
Gusto ko lang ipabatid sa'yo kung gaano kasaya ang aking puso na nakikita mo ang mga ngiti sa labi ng iyong mga apo, at lalong-lalo na ang makita ko ang mga ngiti ng maamo mong mukha sa tuwing kami'y bumibisita sa'yo.
Gusto ko lang ipabatid sa'yo na masaya ako na nayayakap ka namin at nakakasama sa lahat ng saya at lungkot sa aming pinagdadaanang magkakapatid.
Palagi kang nariyan umalalay at nagbibigay ng mga makabuluhang mensahe at paalala na ang Diyos ang tanging sagot sa lahat ng bagay dito sa mundo....
kahit nakita ka naming magkakapatid kung gaano ka nagsakripisyo sa amin..
kahit hirap na hirap kang maitaguyod ang bawat araw kung saan ka pupulot ng pangangailangan namin, lalo na ang pang-araw-araw na pagkain natin...
kahit wala ka ng pamasahe papunta at pauwi galing trabaho, maibigay mo lang ang baon namin, ok lang sa'yo ang magsakripisyong maglakad..
kahit nakikita kitang kape lang ang nainom mo sa buong maghapon, basta't kaming mga anak mo ay may laman ang tiyan..
kahit nararamdaman ko na nahihirapan ka sa pagpapalaki sa amin - pinilit mong maipag-aral kami sa magandang paaralan,...
Ilang taon naming nasaksihan, mula pagkabata at hanggang sa kami'y nagbinata at nagdalaga, alam kong nahihirapan ka, ngunit hindi mo ito ininda.
Hinahangaan kita dahil gayunpaman, hindi ito naging hadlang sa pagtalima mo sa Salita ng Diyos, sa paniniwala mo sa Kanya kung gaano Niya tayo kamahal. Hanga ako sa higpit ng kapit mo sa Kanya. Iniisip ko, saan ka humuhugot pa ng lakas at paniniwala kung ang mundo mo ay tila hindi naaayon sa daloy ng iyong buhay?
Paano mo nakikita ang pagmamahal sa'yo ng Diyos kung bawat resulta ng pagod at hirap mo ay tila walang kinakahinatnan, bagkus ang pagsubok na kinakaharap ng pamilya natin ay nadaragdagan?
Ang paniniwala mo sa Panginoon ang siyang naging inspirasyon ko na mayroong Diyos. Salamat at ipinaunawa mo sa amin ang sakripisyo ni Hesus ay walang katumbas. Salamat at nang dahil din sa'yo aking ama, naniniwala ako sa pagmamahal ng Diyos. Ikaw maaari ang repleksyon ng kanyang kadakilaan. Ikaw maaari ang anghel sa aming magkakapatid na siyang nag-aruga at disiplina sa aming lima.
Kay hirap yata maging "single parent". Hindi ko napahalagahan nang labis ang iyong sakripisyo noon hanggang sa akin nang naranasan ang iyong pinagdaanan. Hindi ko masyado napahalagahan marahil dahil sa pinuno mo kami ng iyong pagmamahal at punong-puno ang kasiyahan ang ating pamilya kahit tayo ay mahirap lang. Mayaman kami sa iyong pagmamahal.
Salamat Pa sa lahat-lahat. Itong linggo mababasa mo na itong liham ko sa'yo, dahil magkikita kita ulit tayo. Gusto ko lang malaman mo na sobrang tumatak sa aking puso ang iyong dakilang pagmamahal sa amin.
MAHAL NA MAHAL KITA PA!...
ARAW-ARAW....
LINGGO-LINGGO...
TAON-TAON!
Huwag mo sana akong pagtawanan kung mabasa mo ito. Alam ko, ang sasabihin mo lang "Bakit ka pa gumawa ng liham, parang hindi tayo nagkakasama tuwing katapusan ng linggo."
Oo Pa, alam ko iyan ang sasabihin mo. Kaya kita ginawan ng liham dahil sana nung ika'y nabubuhay pa, madalas sana kitang nasasabihan kung gaano kita kamahal. Itong liham ko sa'yo ay sadyang sa panaginip na lamang. Sa panaginip na lang kita nakakausap, nakakasama, at nayayakap. Sa panaginip na lang tumatakbo ang masasayang memorya at mga bagay na masayang isipin kung ikaw lang sana ay nabubuhay pa.
LAST MESSAGE LEFT BY MY FATHER:
I feel gloomy today.. I miss my Dad sooooooooo much!!!!
Photos are all mine except for the banners.
Let your loved ones feel how much you love them. Say I love you as often as you could. Life is short until you realize it's too late to see their smile again. - @dynamicshine
Thanks for reading! Steem on!
Join us on Discord (https://discord.gg/FPdn5QZ) if you want to message me directly and of course to meet these awesome and creative people behind #dynamicsteemians, namely:
@dynamicgreentk, @dynamicrypto, @baa.steemit, @symonp, @adam.tran, @thundercurator
STEEMBULLS
Check out interesting posts by @evlachsblog (my sister), @ryl, @dangerousangel, @futuremind, @scarletmedia, @ntowl, @eaglespirit, @pkalra, @honeychum, @bunnychum, @guri-gure, @esttyb, and many more!!!
@dynamicgreentk, @dynamicrypto, @baa.steemit, @symonp, @adam.tran, @thundercurator
STEEMBULLS
Check out interesting posts by @evlachsblog (my sister), @ryl, @dangerousangel, @futuremind, @scarletmedia, @ntowl, @eaglespirit, @pkalra, @honeychum, @bunnychum, @guri-gure, @esttyb, and many more!!!