Mukhang nagbabadya nanaman ang ulan. Sobrang init ng panahon kaya uso ngaun ang mga sakit tulad ng trangkaso, sipon at ubo. Sa sobrang init ng panahon mukhang kailangan magpalamig kaya maigi din kung uulan mamayang gabi.
Umakyat pa naman kami sa bundok para mamasyal kasama ang aking mga kaibigan. Sa sobrang init ay doble talaga ang pagod na mararamdaman. Walang epekto ang jaket at sumbrero sa mala pugon na init lalo na sa tanghali.
Mabuti na lang at may munting kubo kaming nadaanan at kami ay nakapagpahinga. walang tao sa kubo na ito kaya nakisilong na lang muna kami pansamantala.
Pagdating sa taas ng bundok ay may mga mabubuting maybahay na nagpakain sa amin. Nanghuli pa sila ng manok at kanila itong niluto ng tinola bilang pananghalian namin. Kakaiba ang ugali ng mga tao dito, marunong silang tumanggap ng bisita na para bang kami ay matagal nang magkakakilala. Salamat po sa inyo mga kaibigan.
Eto talaga yun eh.. sulit na sulit ang pagod pag ganito ang tanawin.. anu pang ginagawa nyo? halina kayo at tayo ay magpalamig!!
Maraming salamat po at sana nagustuhan nyo ang paglalakbay ko ngaung araw na ito.