Pinagkunan ng imahe
Ang nahihimbing na bansang pinukaw
Ng mga parusang ipinataw
Paghihimagsik ang nangingibabaw
Nguni't ang mga pilipino'y hindi umaayaw.
333 taong sinakop ng mga kastila
Ang bansang pilipinas na kay awa-awa
Ginawang alipin ang mga pilipino
Trinatong basura, dinurog ang puso
Maraming buhay ang nawala
Maraming babae ang ginahasa
Maraming bayani ang pinatay
Ang kanilang buhay ay inalay.
Dugo at pawis ang puhunan
Para matamo ang kalayaan
Na inaasam-asam ng bayan
Upang maging masagana ang kabuhayan.