Bahagi na ‘yan sa buhay ng isang tao
Kanya-kanyang diskarte sa paglutas nito
Kahit gaano pa kagaling ang diskarte mo
Pagsubok sa buhay iyo ring mararanasan
Wala tayong kaibahan kung uri ang batayan
Iisa lang ang may likha sa’tin dito sa sanlibutan
May Dios tayong gabay at masasandalan
May mga taong ang saya maging kaibigan
Datapwat, mayroon ding ang kay hirap pakisamahan
Mga hamon sa buhay ay siguradong mapagtagumpayan
Samo’t saring nilalang ang kailangan pakibagayan
Upang mamumuhay ng payapa at makaiwas sa kaguluhan
Tingin ka lang sa kalawakan at iyong masisilayan
Perpektong likha na kapaligiran at kalikasan
Na magdudulot ng gaan sa pakiramdam at lubos na kaligayahan
Ang buwan at mga bituin na nagniningning sa kalangitan
Na nagbibigay liwanag sa gabi’t kalawakan
Batid ang pagmamahal galing sa Taas na di kayang tumbasan
Pananampalataya sa Taas ay mas lalong tibayan
Upang makamit ang mithiing inaasam-asam
Sa sarili’t sa buong pamilya’y magbibigay kasiyahan
Mahalagang parte ‘yan sa iyong kinabukasan
Hamon sa buhay, sukat sa sariling katatagan
Dalisay na kaligayan, kung ito’y mapagtagumpayan
Mga mithiing binuo ay isa-isang maisasakatuparan
Tugatog ng tagumpay ay iyong makakamtan
Dahil sa tiwala, deteminasyon at pananampalatayang walang katapusan.
Ako’y lubos na nagpapasalamat kay Ginoong @jassennessaj sa Kanyang patuloy na paggawa ng mga patimpalak na tulad nito.
At sa lahat ng walang-sawang suporta ninyo sa aking mga akda, maraming salamat po sa inyong lahat!
