source:
Alaalang nagpapahayag ng pinagsamahan natin
Mga ngiting bumubuo ng ating mundo
Kay tamis paring balik balikan ito
Chocolate't bulaklak ang bitbit paakyat ng hagdanan
Nung tayo ay sumumpa at naging magkabiyak
Giliw ko, hindi maitago ang pusong galak na galak
Nakasabit sa pader, tapat ng simbolo ng buhay
Pagmamahalan na araw-araw binigyan ng kulay
Sa larawang maituturing na pinakamahalagang bagay
Nag-iba ang kilos at ating itsura
Nananatili paring matibay ang ating pagsasama
Magkahawak ang kamay habang nakaupo sa silyang tumba-tumba
Nakatitig sa kupas na larawang may sinag ng palubog na araw
Inukit ang pagmamahalang hindi mahahadlangan kahit pa ay pagpanaw
Sana po ay makaabot ang tulang ito at maraming salamat sa tumatangkilik ng aking mga ginagawang tula